LOU CLUEDO 2006
Thème : "Masc / Sorciers"

Istòri
Enquèsto
Persounage
Entresigne
Responso
Telescargament

Cluedo PLV 2006

Istòri / Histoire :

Lou segnour Tibèu ourganisè uno grando vesprado au Castèu de Biòulard, pèr recouncilia la famiho Galoi e li Grangié. La vesprado s’es debanado sènso engano mai lou segnour Galoi èro pas forço agradiéu. À miejo niue e miejo, la vesprado èro acabado ; chascun es ana se coucha.
Alor coumo lis àutri, la segnouresso Grangié vai dins sa chambro pèr dourmi ; mai sus lou camin, trovo lou segnour Galoi sus lou sòu, dins li cagadou, mort em’un coutèu dins l’esquino ; la segnouresso Grangié crido fort : “AAAAAA !!!”. En vesènt lou cors de soun ome, la segnouresso Galoi s’esvanesi de l’esmougudo. Li gendarmo soun manda sus li liò dóu crime, prenon lou cors e li piado mais es forço tard, tóuti van se coucha.

[Remounta / Remonter]

Enquèsto di gendarmo / Enquête des gendarmes :

Lou lendeman de matin, la chourmo de la gendarmarié es mandado pèr mena uno enquèsto e destouca li « suspect » :
- Roun, en setenco annado de magìo, es lou fiéu dóu segnour e de la segnouresso Galoio e avié de marrit liame emé soun paire.
- Cabro d’Or es soun mèstre e amavo pas lou segnour Galoi que lou pagavo mau emé de regardello.
- Pichoto Patapoun es la neboudo de la segnouresso Galoio dounc la cousino de Roun. Si gènt soun mort, tuia pèr Voldemore, e es esta reculido pèr li Galoi.
- Li Grangié e li Galoi s’abourisson. Li Grangié amon forço sa chato, Miouno, mai sabon pas soun amour pèr Roun. La volon marida emé Àrri lou terraié, un jouine magician riche.
- Dono Gounagalo es la nourriço de Miouno.

Vaqui tout ço que li gendarmo an pouscu descubert mai l’enquèsto es pas finido. À vous aro, de trouba lou murtrié !

[Remounta / Remonter]

Persounage / Personnages :

Segne Tibèu e li esperi dóu Capèu
La chourmo dóu Capèu alias Sylvaine KLUTCHNIKOFF, Thibaut PLANTEVIN et Claude NERI

 

Segnour Galoi

+

  • Banquié riche de 50 an, a de sòu coume de chin an de niero.
  • Marrit caiau, testard, gaire agradiéu emé li gènt.
  • Picavo sus sa femo (Pichoto Patapoun e Baile Cabro d’Or èron li soulet de lou saupre.)
  • Avié presta forço dardeno à Àrri lou terraié.
  • Lou soulet de pas vougué faire l’acord emé li Grangié.
  • Roun i’a desvela soun amour pèr Miouno quàuqui jour avans, ço qu’avié pas enqueissa (es di dóu tèms de l’enquèsto).

Segnouresso Galoi
Segnouresso Galoi alias Céline MARTEAU-IMBERT

Segnour e Segnouresso Grangié
Segnour e Segnouresso Grangié alias Magali GILLET et Romain GLEIZE

Roun
Roun alias Rémy

Miouno
Miouno alias Virginie BIGONNET-BALET

Baile Cabro d'Or
Baile Cabro d'Or alias Jean-Luc CHARLIER

Pichoto Patapoun
Pichoto Patapoun alias Rita MAZAUDIER

Dono Dounagalo
Dono Dounagalo alias Virginie BREL-SUPPO

Àrri lou terraié
Àrri lou terraié alias Didier MAURELL

[Remounta / Remonter]


Entre-signe / Indices :

Pèr agué aquélis entre-signe, fau respondre is enigmo dóu Capèu :

Entresigne 1 : (Charado à trouba)

(De canta sus l’èr de la marcho funèbro).
« Moun proumié es l’ouro que li trèvo, li marrits esperit, se revihon.
Moun segound es quouro n’i’a pas e que n’avèn de besoun.
De moun tresen, n’en fau quatre pèr faire un bon pastissoun entié.
Moun tout es l’ouro eisato dóu crime. »

(Pèr agué lou raport d’autoupsìo, fau trouba la charado)
>>> Lou Capèu : « Osco, avès trouba dounc avès lou dre d’agué lou raport d’autoupsìo. »

Lou 26 d’abriéu

RAPORT D’AUTOUPSÌO

La counfederacioun di mege dóu Castèu de Biòulard, declaro que lou Segnour Galoi es mort à miejo-niue manco un quart d’un cop de coutèu dins l’esquino, i’an creba lis iue e i’an taia li man. Lou sujèt fuguè retrouba au sòu, dins li cagadou dóu Castèu, pèr la Segnouresso Grangié, à miejo-niue e miejo dins la niue dóu vinto cinq au vinto sièis d’abriéu.  
Dóu det, lou Segnour moustravo la porto : sabèn pas s’aco vòu dire quaucarèn.
Pèr faire aquelo autoupsìo, avèn proucedi segound lou metode tradiciounau.  Après un eisamèn penous, avèn counclu qu’es segur qu’es un assessinat au coutèu mai i’a ges de piado dóu murtrié sus lou cors.

Rendu-comte :

  • 02:30 Toco-toco emé lou sujèt
  • 02:35 Lou sujèt es sus la taulo de disseicioun e lest pèr l’intervencioun
  • 02:39 Debuto de l’intervencioun cirourgicalo
    à Materiau utilisa :
    • escalpèu
    • martèu
    • resseto de metau
    • escoudo neumatico
    • cisèu
    • coumpresso
  • 02:46 Duberturo dóu vèntre : aqui dedins i’a tóuti lis ourgane, li budèu soun encaro plen de mangiho à mita digerido. Dounc segur que lou sujèt es mort vèrs miejo-niue manco un quart. Tambèn, fau dire que i’a ges de pouisoun, soulamen d’óulivo, d’ensalado, de cruvelu, de rabasso, de gau rousti, de chàmbre à l’aioli, de froumage e de vin rouge de la Crous di Pin.
  • 02:58 Eisamen dóu groupe neuro-courtico cervico cerebrau. Rèn d’anourmau.
  • 03:10 Fin de l’obro, anèn manja un moussèu.

Ansin, lou paure ome es mort vèrs miejo-niue manco un quart, à la seguido d’un vióulènt cop de coutèu e a gaire agu lou tèms de soufri. La mort es vengudo lèu.

Certifican de verai aquéu raport.

Li mege dóu Castèu de Biòulard.

 

Entresigne 2 : (Dos cansoun ausido pièi tambèn dounado après sus papié)

(Bonneteau emé li carto rouge e negro, fau trouba la carto rouge
>>> De canta sus l’èr dóu Pont d’Avignoun)

Dóu grand Segnour Galoi, Àrri lou masc pouderous
A reçaupu de dardeno,
Imagino-te la sceno,
N’i’a un sus li dous qu’èi furious.

(Fau tira uno carto negro dins lou Capèu
>>> Lou Capèu : « Alor vous vau counta la counfidènci de Roun à Galoi »)

  • Roun : Moun bon ami Galoi, que vos saupre, que vos saupre
    Moun bon ami Galoi, que vos saupre, te dirai !
  • Galoi : Moun bon ami Roun, vole saupre, vole saupre
    Moun bon ami Roun, vole saupre quau te tèn.
  • Roun : Moun bon ami Galoi, uno Bello, uno Bello
    Moun bon ami Galoi, uno Bello que t’es proche.
  • Galoi : Moun bon ami Roun, pas trop proche, pas trop proche,
    Moun bon ami Roun, que me farié bouli lou sang.

 

Entresigne 3 :

Pèr aguè l’entresigne tres, fau trouba lou rebus seguèn :

... B C                

Situacioun di persounage à l'ouro dóu murtre : (es-à-dire 12h30 d'après l'enquèsto di Gendarmo)

 

Cagadou

Segnour Galoi

 

Chambro de Dono Gounagalo

 

 

Chambro dóu Baile Cabro d’Or

 

Chambro de Miouno

Miouno
+
Dono Gounagalo
+
Àrri lou terraié

 

Chambro de Roun

Roun
+
Baile Cabro d’or

 

Chambro di Grangié

Segnour Grangié
+
Segnouresso Grangié

 

Chambro d’Àrri lou terraié

 

 

Chambro di Galoi

Pichoto Patapoun
+
Segnouresso Galoi

 

Chambro de la Pichoto Patapoun

 

 

 

escalié

 

NB : Lou Capèu a ges de chambro, èro sus la testo dóu segne Tibèu qu’èro toujour emé sis counvida : a rèn vist, a rèn ausi (aco lou Capèu l’a counfirma ; e coume di toujour la verita…)

 

Entresigne 4 : (À la chourmo de canta ço que saup pèr aguè la letro anounimo que li gendarmo an trouba dins uno bourdiho).

« Lou darnié entresigne es aqui,
Dins aquesto poulido letro.
Mai pèr la merita de segur,
Sufis pas de dire gramaktchi !
E vo, aro es à vous de me canta
Ço que sabès, ço qu’avès carcula
En cantant forço bèn de segur
En vers, en mot, en letro … »

Ma Segnouresso,

Aro que sabe que toun ome te pico dessuto,
Pense qu’aquéu tipe es uno bourdiho,
Auriéu bèn envejo de ié faire regreta sa vióulènci.
T’en fagues pas !
Fau pas countunia coumo acò,
Repentènci !

Pagino en construcioun ... Faudra reveni, gramaktchi ...

[Remounta / Remonter]


Responso / Réponse :

Lou murtrié es ...

A tambèn un coumplice que ié disoun ...

[Remounta / Remonter]


Telescargament / Téléchargement / Download :

Aqui poudès telescarga tóuti li doucumen pèr faire lou jo enco de vost' oustau /
Téléchargez tous les documents nécessaires pour jouer à ce Cluedo :

Istòri - Histoire_À distribuer dès le début aux équipes + Top Secret Ficho d'identita - Fiches d'identité_Top Secret Entresigne dóu Capèu - Enigmes chantées pour le choixpeau_Top Secret
Raport d'autoupsìo - Rapport d'autopsie_Indice 1 à distribuer aux équipes Situacioun di persounage à l'ouro dóu murtre_Indice 2 à distribuer aux équipes Letro anounimo - Lettre anonyme_Indice 4 à distribuer aux équipes

[Remounta / Remonter]

[Retour à l'acuei / Retour à l'Accueil]

>>> Lien vers le Cluedo 2005, le Cluedo 2007, le Cluedo 2010, le Cluedo 2011 et le Cluedo 2012.

© PLV.