Quand vèn lou matin tout blanchi pèr l'eigagno
Vesès lis óulivaire ana tóutis à flot.
S'en van en risènt au pèd d'uno mountagno
Ramassa lis óulivo e groussi lou magot.

REFRIN :
Tout lou jour dedins lis óulivié
Entendès canta lis óulivaire.
Li cigalo, l'estiéu fan parié.
Aro, es iéu que cante pèr vous plaire.

Quand souno miejour e que lou mistrau fuso,
Vesès lis óulivaire caligna su'n ribas.
Bevon lou soulèu coume fan li gramuso
E devoron countènt lou plus maigre repas.

REFRIN

Pièi quand vèn lou souar, vesès pèr abitudo
Tóuti lis óulivaire ajassa vèrs lou fiò.
Ço que lis endort es pas de lassitudo,
Mai es l'òli que fui dins un vièi lume à croc.

REFRIN