Quouro prounouncias soun noum, acò s'esvalis. De qu'es ?
(source: Jean-Jacques Metz)

Siéu uno surfàci qu'a uno souleto fàci e un bord soulet. Quau siéu ?

Avès dos bando de teissut. Chascuno a besoun d'uno ouro pèr brula tout entiero. Mai la vitesso de coumbustioun es pas la memo : la bando pòu brula lèu-lèu à la debuto e ralenti après, o brula coumpletamen à soun idèio. Avès tambèn un briquet (un pouli) ! Ço que vous es demanda, es de mesura un tèms de 45 minuto. Bèn segur, avès pas lou dre de faire rèn d'autre que de brula'quéli bando pèr capita. Bon courage !
(source: David Plaquin, Hewlett-Packard Laboratories, Bristol)

Un ome marcho, si braio s'estrasson e l'ome mor tout d'un tèms ! De que s'es passa ?
(source: Michel Fauchie)

Minos vous a jita dins soun laberinte. Après d'ouro e d'ouro d'erranço, vous troubas davans dos porto, au founs d'un courredou. Davans chascuno di porto, i'a un gardo. Sus un panèu, es escri que l'un d'éli dis toujour la verita, e que l'autre ment de longo. Lou panèu esplico tambèn qu'uno di porto meno vers la sourtido, e l'autro vers la mort. Avès lou dre de pausa soulamen uno souleto questioun que devrié vous permetre de trouba la bono porto. Queto questioun voulès-ti pausa ?
(source: Jérôme Albinet)

Fuguère deman, sarai aièr. Quau siéu ?
(source: Jérome de la liste énigmes)

Un proufessour vòu moutiva sis escoulan e dis : "Vòu metre sus la taulo un bihet de banco de 50 euro e uno peço de 2 euro. Chascun me vai dire uno fraso. S'es veraio, es iéu que chausisse de vous baia lou bihet o la peço. S'es fausso, aurés ren." Lou proufessour, bèn-segur, a dins l'idèio de garda si 50 euro.
Lou proumier escoulan dis : "lou soulèu se lèvo dóu levant !". La fraso es veraio, e lou proufessour decido de ié baia 2 euro. Bouto mai 2 euro pèr faire countunia lou jo. Un autre escoulan dis : "sian en Franço". Zou mai, 2 euro pèr éu. E lou jo countunio. Vèn aro à voste tour. De que poudès dire au proufessour pèr gagna 50 euro ?
(source: Jérome de la liste énigmes)

En fasènt uno espedicioun au pole arti, dous scientifi trobon dous cadabre nus dins la glaço. Lou proumié di scientifi dis : "Soun Adan e Evo". L'autre counfirmo : "Vo, soun bèn éli". Coume aquéli dous scientifi podon n'èstre segur ?
(source: Christophe Moura)

Un ome es retrouba mort dins lou desert. Es nus e tèn uno brouqueto dins la man. De que s'es passa ?

Li registre d'uno vilo dison qu'un ome aguè un fraire que mouriguè. D'àutri registre dison que l'ome qu'es mort avié ges de fraire. Aquéli registre soun pamens fisable en plen. Coume acò se pòu faire ?
(source: Stéphane Holtz)

Avès quatre boulo de formo e de coulour identico. Tres d'aquéli boulo an lou meme pes, mai la quatrenco a un pes diferènt (es mai lougiero o mai lourdo, lou sabèn pas, mai basto !). Eme l'ajudo d'uno balanço Roberval (à dous platèu), trouvas en soulamen dos pesado la boulo qu'a un pes diferènt dis autro.
(source: H.Lapointe)

Troubas la seguido lougico di letro que soun aqui :
U - D - T - Q

Lou cadabre d'uno femo es trouba dins uno veituro. Lou pistoulet dóu crime es à soun coustat. Li vitro soun tóuti relevado, la clau es sus lou countat. Ges de traço de balo ni de trau dins la veituro. Li porto soun barrado dóu dedins. E pamens, s'agis bèn d'un murtre e noun d'un suicide. Coume acò se pòu ?
(source: Benoît Landhauser)

Troubas la seguido lougico d'aquéli chifro :
1 - 11 - 21 - 1211 - 111221

Dins l'image aqui dessouto, li formo que coumpauson la figuro d'amount soun estado boulegado pèr fourma la figuro d'avau. Li formo soun li memo dins li dous cas. Mai de mounte vèn que i'a un trau dins la segoundo figuro ?

(source: Frédéric Monino sur la liste Jes)

Perqué la plaço dis esgout es-ti roundo ?
(source: Mindtrap)

Un jour, un rèi reputa trichaire veguè uno chato que i'agradè. Vouguè la marida, mai elo disié de noun. La menè alor dins soun castèu mounte avié de caiau blanc e de caiau negre. Prenguè dous caiau e diguè à la chato : " Ai dins uno man un caiau blanc e dins l'autro un caiau negre. Chausisse uno de mi man : s'es aquelo dóu caiau negre, t'espouse. S'es la dóu caiau blanc, te laisse tranquilo, e se refuses, te mande en presoun."
La chato pensavo bèn que lou rèi avié en realita un caiau negre dins chasco man. E pamèns, troubè lou mejan de pas espousa lou rèi. Coume faguè ?
(source: Frédéric Monino sus la listo Jes)