Prouvençau Lengo Vivo
Caroumb, lou divèndre 29 de jun
Bèn lou bonjour !
Vaqui deja dous mes que se sian dessepara dins lou Ventour, en se fasènt
la proumesso de nous retrouba bèn lèu… Avèn agu la
chanço de gagna lou proumié pres dóu councous di Jouine
de Prouvènço, e avèn vist aquéli qu'an pouscu veni
à Mouriés.
Poudèn tambèn coumunica sus internet, emé lou super
site dóu Tibèu. Gramacie tóuti aquéli que laisson
de message sus lou libre d'or ! Fai plasé d'agué de nouvello de
tout lou mounde… L'adrèisso es www.prouvencaulengovivo.fr.st
Sias deja tóuti en vacanço (o quàsi), e se sian di que
falié trouba un moumen pèr se retrouba dins l'estiéu !
Avèn pensa de vous counvida pèr mounta lou Ventour de niue, qu'acò
es forço agradiéu, e subre tout en avoust, d'abord que i'a tout
plen d'estello que toumbon… Emé lou Roumié, lou Simoun e
quàuqui Bigouneto, avèn lança uno " tradicioun "
i'a dous an : fasèn l'ascencioun dóu Ventour dins la niue dóu
14 au 15 d'avoust. Erian " 7 " persouno la proumièro annado
e avèn bateja nosto tradicioun " la Ventoulejado " ( assajes
pas de vèire de referènci emé que que siegue, n'i'a ges
! ! !)
De segur, tout lou mounde sara pas liéure ensèn… Mai baian
rendès-vous à tóuti aquéli que podon lou dimars
14 d'avoust à 7 ouro dóu vèspre, à la Croix des
Pins, à Mazan ( la famouso cavo de Roumié que d'ùni counèisson
forço bèn…). Manjaren de saussisso grasihado avans que de
parti en direicioun de la cimo…
En aut, regardaren lou soulèu se leva ( qu'es toujour un espetacle estraourdinàri)
, pièi davalaren mai dins la plano.
Fau pourta :
- de bòni caussaduro
- un sa d'esquino
- de vèsti caud ( tricot, blousoun, bounet etc…) Mèfi, fai
forço fre en aut dóu Ventour ! ! Meme en plen estiéu.
- de causo pèr manja un pau en mountant ( barro de cerealo, fru se…)
- d'aigo
- un sa de dourmi
- uno mousso pèr lou sòu
- uno lampo eleitrico ( em'uno passadouiro : es coume acò, parèis
que se casso lou Dau !)
En arribant en bas ( lou matin dóu dimècre 15 d'avoust ), poudrés veni dourmi à Caroumb (encò di Bigonnet). Pourtas voste maiot de ban.
Pèr ana à Mazan ( La Croix des Pins), fau passa pèr Carpentras, prene la routo direicioun Bedouin, Le Mont Ventoux. Après quàuqui km, à man drecho, troubarés de panèu La Croix des Pins. Fau vira à drecho, es la direicioun de Mazan.
Un poutoun de touto la chourmo e… au 14 d'avoust ! En esperant, passas de bòni vacanço !
P.S. Se poudés veni, sounas Vierginìo au 04 90 62 33 18 o Roumié
au 06 19 20 60 14.
[ Vous pourrez aussi demander des renseignements si vous n'avez pas encore tout
compris.]
[Retour à la page sur la Ventoulejado]
© PLV 2001